Knonie's Blog

اگر میں عمران خان ہوتا تو کہتا کہ جاوید ہاشمی صاحب، میں آپ کی ایک بہت پرانے سیاستدان ہونے کی وجہ سے بہت عزت کرتا ہوں لیکن میرا خیال ہے کہ اب آپ اپنے پرانے موَقَف سے پھر کر سب کی نظر میں اپنی عزت نہ گھٹاییں. میں پہلے ہی دن سے اِن پرانے چہروں اور اِن کے پروان چڑھاےٴ ہوےٴ  ِسسٹم کے خلاف ہوں، اس لئے میرا سب پرانے سیاستدانوں پر سے اعتبار اٹھ گیا ہے. میں آپ سے معذرت چاہتا ہوں.

پھر میں کہتا کہ شاہ محمود قریشی صاحب، آپ تو ویسے بھی ایک روحانی اور باعزت شخصیت ہیں. شاید صرف 3 بار تو مختلف سیاسی پارٹیاں بدل چکے ہیں اور ابھی تک آپ کو اپنے ہم خیال لوگ نہیں مل سکے. لیکن اب شاید چیزوں کی مرمّت کا وقت بھی گزر چکا ہے اور تبدیلی کا وقت آ گیا ہے. میرے سب دوست اتنے نا سمجھ نہیں کہ اتنی سی بات نہ سمجھ سکیں. تبدیلی کے سونامی کے آگے آزماےٴ ہوٴوں کے لئے کوئی رحم نہیں ہے. ہاں، اگر آپ چاہیں تو ہمارے مقصد کو سپورٹ کرسکتے ہیں لیکن مجھ سے اس پارٹی میں کسی خاص مقام کی امید نہ رکھیں.

اگر میں عمران خان ہوتا تو ہر بار ایم کیوایم کے خلاف اتنا برسنے کے بعد اپنے کراچی جلسے میں دل کھول کر بھڑاس نکالتا- شاید لوگ یہ سمجھتے کہ کچھ احتیاط یا سیاسی تقاضوں کے باعث وہاں اس جماعت کے خلاف بولنا مناسب نہیں تومیں پھر بھی بولتا. میں اور میری انقلابی فوج خوفزدہ نہیں ہے کہ ہم اب ان چیزوں کی پرواہ کریں. اب انقلاب کا دور آ گیا ہے. جب میں امریکہ کے خلاف بات کرنے کی ہمّت رکھتا ہوں تو ایم کیوایم کے گڑھ میں بھی اپنا نظریہ کیوں بدلوں.

اس کہ بعد میرا خواب ٹوٹ گیا اور میں نے سوچا کے میرے جیسے ایک عام سے شخص اور عمران خان میں کیا فرق ہے. آخر لیڈر میں ایسا بھی کیا خاص ہوتا ہے، یا یہ بھی کوئی فیشن ہوتا ہے جو کچھ سال بعد تھوڑے سے اچھوتے انداز میں دہرانا پڑتا ہے- پہلے بھی کتنے آےٴ، انقلاب اورحقوق کی باتیں کر کے ہم سب کو بہت مصروف، اورایک دوسرے سے بہت دور کر گئے، ابھی جانے کتنے اورآ ٴیں جوعوام کوحقوق دلانے کی غرض سے اسی پرانی فلم کی کہانی کو دہراتے رہیں. “آؤ بیٹا اس کا نیا پرنٹ ریلیز ہوا ہے، اس سے اصلی کا انقلاب آتا ہے، باقی سب سیاسی پارٹیاں اور ان کی فلمیں فلاپ ہیں, دیکھو ان کو تو کوئی دیکھنے بھی نہیں آتا.”

انقلاب تو شاید اب وقت ہی لاےٴ گا. نہ جانے کیوں ایسا محسوس ہوتا ہے کہ عوام کے ساتھ شاید پھر سے کوئی دھوکہ ہو گیا ہے. لیکن شاید ابھی یہ دھوکہ نہیں لگتا کیونکہ جب اندر سے ہی تبدیلی نہ آےٴ تو باتوں میں کیا رکھا. مجھے بادشاہ بنا دو، تاج محل سے زیادہ خوبصورت محل نہ بنوایا تو میرا انکار کر دینا…
جاؤ، مجھے عمران خان نہیں بننا…