Jab teri dhun mein jiya kartay thay

Posted by Knonie

Jab teri dhun mein jiya kartay thay
Hum bhi chup chaap phira kartay thay

Aankh mein piyaas hooa karti thi
Dil mein toofan uthaa kartay thay

Loug aatay thay ghazal sun’nay ko
Hum teri baat kiya kartay thay

Sach samajhtay thay teray vaadon ko
Raat din ghar mein raha kartay thay

Kisi veeranay mein tujh say mil kar
Dil mein kia phool khila kartay thay

Ghar ki deewaar sajanay kay liye
Hum tera naam likhaa kartay thay

Wo bhi kia din thay bhula kar tujh ko
Hum tujhay yaad kiya kartay thay

Jab tere dard mein dil dukhta tha
Hum teray haq mein duaa kartay thay

Apnay aansoo bhi sitaron ki tarah
Tere honton pay saja kartay thay


Leave a Reply

Verify your sanity: