Khud-kalami

Posted by Knonie

“Aisi duniya mein jahan har larka kisi aur larki kay liye mujhay chhor sakta hai tou kia yahan aik bhi aisi larki nahi hai jo meray liye qurbani day sakay?”

“Koun larka? Koun larki? Kia duniya?”

“Yehi duniya jis mein hum nay inqalab lana hai.”

“Haan, tou duniya badli tou nahi hai?”

“Badli tou hai. Aur kia ab sab kuch he aik illusion hai?”

“Haha nahi. Ye duniya soch ki nahi, haqeeqat ki he hai. Insaan buhut badal gaya hai, kehnay ko, kiyoon k ab ilm buhut waseeh ho chuka hai aur insani zehen bhi, laikin jhagray wohi puranay hain. Bas kuch pesa kamanay ka dhang karo aur phir kuch bachay day kar chalay jao. Lo jee tumharay jesay aur aa gaye.”

“Haan ye tou insani zindagi kay baqa kay liye hai.”

“Jesay ye sab kuch tou aik aam shakhs insani zindagi ki baqa k liye karta hai. Pata hai jo iss baqa k naam pay ho raha hai…”

“Ab baat ko kaheen aur mutt lay kar jao…”

“Acha bakwas na karo. Meri baat suntay tou ho nahi wesay he poochtay ho bas. Pata nahi meri baton mein doobnay ka kia ishq hai tumhain. Jis din doobnay na doon, uss din mujhay bardasht bhi nahi kar saktay.”

“Ab ye baat kahan say nikali hai. Main ja raha hoon.”

“Dafa ho apnay ghar. Tumharay ghar walay pareshan ho rahay hon gay kay kaheen raat na ho jaaye.”

“Fuck you! Wo mera ghar nahi hai. Aur is haftay sham ko jaldi aaoon ga aur baton k liye poori raat bhi ho gi…”

“Oye hoye… Zindagi…”

“Acha bye!”

“Bye!”


Leave a Reply

Verify your sanity: